ഈ വർഷം ആദ്യം വായിച്ച പുസ്തകം: "The World Until Yesterday: What Can We Learn from Traditional Societies?"
ശീർഷകം പറയുന്നതു പോലെ പരമ്പരാഗത സമൂഹങ്ങളിൽ നിന്ന് എന്തു പഠിക്കാമെന്നതാണു പ്രതിപാദ്യം. കുട്ടികളെ വളർത്തുന്നത്, പ്രായമായവരെ നോക്കുന്നത് (നോക്കാതിരിക്കുന്നതും!) അപകടങ്ങളെ നേരിടുന്നത്, സംഘട്ടനങ്ങൾ, വിശ്വാസം, ഭാഷ, ആരോഗ്യം മുതലായ കാര്യങ്ങളിൽ പല ചെറുഗോത്രങ്ങളുടെ രീതികൾ കാല്പനികതയില്ലാതെ വിവരിച്ചിരിക്കുന്നു. അതിനൊപ്പം ലേഖകനു നേരിട്ടു പരിചയമുള്ള പാപ്പുവ ന്യൂ ഗിനിയിൽ നിന്നുള്ള അനുഭവങ്ങളും.
📖
രണ്ടാമതു വായിച്ച പുസ്തകം, "Your Money or Your Life", വഴിയാണ് World Wide Opportunities in Organic Farms എന്ന പ്രസ്ഥാനത്തെപ്പറ്റി കേൾക്കുന്നത്.
ഒരിക്കൽ ന്യൂ ഹാംഷയറിലെ ഒരു പെർമകൾച്ചർ ഫാമിൽ രണ്ടു ദിവസം താമസിച്ചപ്പോ അവിടെ ഒരു ചൈനക്കാരൻ പയ്യൻ ഇതു പോലെ ജോലിചെയ്യുന്നുണ്ടായിരുന്നു. ഇതൊരു പ്രസ്ഥാനമാണെന്ന് അന്നറിയില്ലായിരുന്നു. നോക്കിയപ്പോ ആ ഫാമും WWOOF ശൃംഘലയിലുണ്ട്.
https://wwoofusa.org/user/7854
അതിനെപ്പറ്റി എഴുതിയ കുറിപ്പ്:
https://nonzen.in/2013/10/18/new-hampshire.html
📖
ഡേവിഡ് ഗ്രെബറുടെ പ്രശസ്തമായ "Debt: The First 5000 Years" വായിക്കുകയാണ്. കൂടെ "When the Bubble Bursts: Surviving the Canadian Real Estate Crash" എന്നൊരു പുസ്തകവും. പണം, കടം, ആസ്തി, ബാധ്യത മുതലായ കാര്യങ്ങളെപ്പറ്റി അടിസ്ഥാനപരമായി ഒന്നുമറിയാതെയാണല്ലോ ഇതൊന്നുമില്ലാതെ കഴിയാൻ പറ്റാത്ത ഈ ലോകത്തു ഞാൻ കഴിയുന്നതെന്ന ഓർമ്മപ്പെടുത്തൽ ഹഠാദാകർഷിച്ചു.
ഇതേ സമയത്തു തന്നെ ആകസ്മികമായി ഒരു ബ്ലോഗ് പോസ്റ്റും കണ്ടെത്തി. രസിച്ചു.
https://elaineou.com/2016/06/17/the-evolution-of-private-loan-agreements/
📖
പല ക്രോണിക്ക് രോഗങ്ങളുടെയും മൂലകാരണം ഇൻസുലിൻ റെസിസ്റ്റൻസാണെന്ന് "Why We Get Sick" എന്ന പുസ്തകം പറയുന്നു. ഡയബറ്റീസ്, ഹൃദ്രോഗം, അമിതഭാരം, കാൻസർ, ന്യൂറോളജിക്കൽ പ്രശ്നങ്ങൾ, കിഡ്നിരോഗങ്ങൾ, വാർദ്ധക്യസംബന്ധമായ രോഗങ്ങൾ -- ഇതെല്ലാമതിൽ പെടും. ഇന്ന് വലിയൊരു പങ്ക് ആളുകൾക്ക് ഇൻസുലിൻ റെസിസ്റ്റൻസുണ്ട്.
കൊറോണവൈറസ് കാരണമുള്ള മരണനിരക്കിനെപ്പറ്റി കണ്ടപ്പോൾ അതും ഇതുമായി ബന്ധമുണ്ടോ എന്നൊരു സംശയം.
ഇൻസുലിൻ റെസിസ്റ്റൻസിനെപ്പറ്റി ഒരു കടുകട്ടി പോഡ്കാസ്റ്റ് എപ്പിസോഡ്:
https://peterattiamd.com/geraldshulman/
📖
കൊറോണവൈറസ് ചാർട്ട് ദി ഇക്കണോമിസ്റ്റിൽ നിന്ന്:
"This Time Is Different: Eight Centuries of Financial Folly" എന്നൊരു പുസ്തകം വായിച്ചു. പല സാമ്പത്തികത്തകർച്ചകളുടെ ചരിത്രമാണ്. കാര്യം മനസിലായോ എന്നു മനസിലാവാൻ വേണ്ടി ഒന്നൂടെ മനസിരുത്തി വായിക്കണം.
എങ്കിലും ഒരു രാജ്യത്തു വരാനിടയുള്ള തകർച്ചയുടെ ലക്ഷണങ്ങളെപ്പറ്റി ഈ പുസ്തകത്തിൽ പറഞ്ഞപ്പോൾ ഇതെല്ലാം കാനഡയെപ്പറ്റിയും ആവാമല്ലോ എന്നു തോന്നി. "When the Bubble Bursts" വായിച്ചതിന്റെ ഇഫക്ടാവാം.
കൺസർവേറ്റീവ് എം പി പിയർ പോയ്ലിയേവർ പാർലമെന്റിൽ ഈ പുസ്തകം പരാമർശിക്കുകയുണ്ടായി.
https://www.youtube.com/watch?v=qIfP0FfHC9g
📖