Follow

Ubuntu philosophy പോലെ എന്തേലും മലയാളത്തിലോ ഇന്ത്യൻ സംസ്കാരത്തിൽ ഉണ്ടോ ? Ubuntu പോലെ ഒരു വാക്ക് കിട്ടാനാണ്

@subins2000
മലയാളം പെട്ടെന്നൊന്നും ഓർമ്മ വരുന്നില്ല. ഉദ്ദേശിച്ചതിതാണോ എന്ന് തീർച്ചയില്ല.
കഠോപനിഷത്തിന്റെ ശാന്തിമന്ത്രം തുടങ്ങുന്നതു് 'സഹനാവവതു സഹനൗഭുനക്തു, സഹവീര്യം കരവാവഹൈ' എന്നാണു്. ഒരുമിച്ചു വർത്തിക്കാം ഒരുമിച്ചു ഭക്ഷിക്കാം, ഒരുമിച്ചു പ്രവർത്തിക്കാം അപ്രകാരം പരസ്പരപൂരകങ്ങളാവാം - എന്നാണു അർത്ഥം.
യജുർവേദത്തിൽ 'യത്ര വിശ്വം ഭവത്യേകനീഢം' എന്നുണ്ടു്. ലോകമെല്ലാം ഒരു പക്ഷിക്കൂട് പോലെ ഒന്നിച്ചൊതുങ്ങുന്ന ഒരിടമാകട്ടെയെന്ന് ആശംസിക്കുന്നു. (ടഗോറിന്റെ വിശ്വഭാരതി സർവ്വകലാശാലയുടെ ആപ്തവാക്യം ഇതാണു്)

@subins2000

യജുർ‌വേദത്തിൽ ശാന്തിമന്ത്രത്തിന്നിടയ്ക്ക് 'പൃഥിവീ ശാന്തിരാപഃ ശാന്തിരോഷധയഃ ശാന്തിരേവ ശാന്തി സാ മാ ശാന്തിരേധി' എന്നൊന്നുണ്ടു്. ഭൂമിയൊട്ടുക്കും, ജീവനുള്ളതൊക്കെയും ശാന്തിയേകട്ടെ, ശാന്തമാകട്ടെ. ഇങ്ങനെ സര്‍വവും നമുക്ക് ശാന്തി തരട്ടെ, എന്നും ശാന്തമാകട്ടെ എന്നർത്ഥം.
പിന്നെ പറഞ്ഞു പഴകിയ 'വസുധൈവകുടുംബകം.' വസുധ(ഭൂമി)യുടെ മക്കളൊറ്റ കുടുംബം.

@subins2000
'സഹനാവവതു' എന്നതോ മറ്റോ വാക്കായി എടുക്കാമെന്നു തോന്നുന്നു.

@subins2000 യാതൊരു സാദ്ധ്യതയുമില്ല, പ്രത്യേകിച്ച്‌ മലയാളത്തിലോ മറ്റ്‌ മുഖ്യധാരാ ഭാഷകളിലോ; കാരണം ഭാഷാപ്രയോഗങ്ങൾ സംസ്കാരത്തിൽ നിന്നുരുവപ്പെടുന്നതാണ്‌. ശതാബ്ദങ്ങളായി ഭാരതത്തിൽ അങ്ങനൊരു മുഖ്യധാരാ സംസ്കാരം ഇല്ല. ഉണ്ടെങ്കിൽ ഏതെങ്കിലും ഗോത്രഭാഷയിലുണ്ടാവാനേ സാദ്ധ്യതയുള്ളൂ.

@rajeesh അതാണ്. പല തരം സംസ്കാരങ്ങൾ ഉള്ള നാടാണല്ലോ, ഏതേലും ഒന്നിൽ ഒരുപക്ഷേ ഉണ്ടെങ്കിലോ

@subins2000 @rajeesh
വല്ലാതെ കടന്ന വായനയാണു്. ബുദ്ധിസവും ജൈനരുമൊക്കെ ഇന്ത്യയിൽ തന്നെയാണുണ്ടായിരുന്നതു്. നോൺ മെറ്റീരിയൽ സ്വഭാവത്തിലുള്ള ഒട്ടനവധി തത്ത്വചിന്തകൾ ഇന്ത്യയിൽ ഉണ്ടു്. അവയിൽ പലതിലും ഇതിനു സമാനമായ ചിന്താധാര കാണാം.

@rajeesh @akhilan കുറച്ച് തപ്പിയപ്പൊ കിട്ടിയതാണ്. എറെക്കൊറേ അടുത്താണ്

en.wikipedia.org/wiki/Mett%C4%

@subins2000 @rajeesh
ഗുരുവിന്റെ അനുകമ്പാദശകം എന്നൊരു കൃതിയുണ്ടു്.

'ഒരു പീഡയെറുമ്പിനും വരു-
ത്തരുതെന്നുള്ളനുകമ്പയും സദാ
കരുണാകര! നല്കുകുള്ളിൽ നിൻ
തിരുമെയ് വിട്ടകലാതെ ചിന്തയും. '

അരുളൻപനുകമ്പ മൂന്നിനും
പൊരുളൊന്നാണിതു ജീവതാരകം
'അരുളുളളവനാണു ജീവി'യെ-
ന്നുരുവിട്ടീടുകയീ നവാക്ഷരീ.'

ml.wikisource.org/wiki/%E0%B4%

@subins2000
Whatever it takes.💪❤️
Nammaloru peru kandupidichirikyum.

Sign in to participate in the conversation
സൗത്ത് ഇന്ത്യയിലെ ആദ്യത്തെ മാസ്റ്റഡോൺ കമ്മ്യൂണിറ്റി!

ഫെഡറേറ്റഡ് സോഷ്യൽ വെബ്ബിലെ മലയാളിക്കൂട്ടം.